AS EK KON

 

As ek kon sou ek die wereld vir jou gee 

Ek sou ‘n veer van n engel gaan pluk 

As dit sou help om jou hart te betree

 As dit aan jou hartsnare sou kon ruk 

Ek sou die veer van n engel gaan pluk 

As dit my sou help om jou beter te ken 

As dit aan jou hartsnare sou ruk 

As ek die kans het om jou hart te wen 

As dit my sou help om jou beter te ken 

Sal ek jou alles van myself vertel

 As ek die kans het om jou hart te wen 

Stap ek kaalvoet deur die hel

 Sal ek jou alles van myself vertel

 As dit sou help om jou hart te wen 

Stap ek kaalvoet deur die hel 

Sal ek jou verewig van my liefde vertel

DIE GROENDEUR

Agter die groendeur 

Skuil die hartseer van die verlede 

Skuil die trane wat nooit gestort is nie 

Skuil die liefde wat nooit beantwoord is nie 

Vandag maak ek die deur oop 

Soos Pandora se boks van oud 

 Sodat alles kan uitvlieg 

Die hartseer oor jou hand nie meer in myne is nie 

En die verwerping deur al my vriende 

En die verlies aan al my geliefdes 

Want ek maak plek vir n nuwe begin ‘n kamer vol sonskyn 

 ‘n kamer vol liefde ‘n kamer ontvou deur geluk

 Want die verlede is weg

 En die toekoms hou nuwe dinge vir my in

MINA MEISS

Mina Meiss ‘n koningin sonner kroon 

Disse antie sonner ‘n bang haar op haar toon; Dissie antie wat almal help in hul nood 

Sy sal jou bystaan tot die dood 

‘n Vrou wat die lewe ken in al sy moed 

Sy is die een wat ons met haar wysheid voed 

As die noodvuur op sy grootste brand 

Bied sy altyd eerste haar hand 

Sy issie dood nie maar sy is n engel’ 

Iemand wat jou lewe sal vervul 

Sy issie hard nie maar sy is n rots 

Iemand na wie ek kan opkyk met trots 

 Vir ‘n beter ouma kon ek nie vra 

En is dankbaar dat sy my in haar hart dra

EENDAG

Eendag as ek groot is 

Sal ek alles verstaan 

Sal ek weet hoekom jy moes gaan 

Sal my trane opdroog en ek nie meer ween 

Sal ek besef jy was net aan my geleen 

Sal ek besef dat jy steed ‘n invloed in my lewe is 

Eendag as ek groot is 

 Sal ek ophou kwel oor die dinge wat ek nie kan verander nie 

Sal ek ophou wonder wat ek anders kon doen 

Sal ek besef wat die doel van alles is

 Eendag as ek groot is 

Sal ek besef dat ons almal n rol het om te speel 

Sal ek besef om ‘n held te wees was jou deel 

Sal ek besef wat totsiens is.
Maar nou wens ek ek kon jou vashou
en jou se hoe lief ek jou het.

Die Monster in Ons

In elkeen van ons skuil ‘n donker monster 

Wat enige tyd sy kop kan uitsteek 

Wat sommer uitspring by die venster 

Wat hom nie laat stop deur ‘n gepreek 

 Maar agter die monster staan ‘n engel 

Wat hom in sy mag verstrengel 

Sodat die lig uit ons skyn 

Sonder ‘n glasie wyn 

 ‘n Ewige stryd wat altyd in ons woed 

Maar die wenner is altyd goed 

Die uiteinde van wie jy is 

Is die resultaat van daardie getwis 

So neem tyd en kyk in jou siel 

Sodat die donker monster jou nie verniel

HARTEDIEF

Soos ‘n dief in die nag 

Het jy saggies in my hart kom skuil 

Elke keer as jy lag

                  Val ek al dieper in jou mag’ 

                    Het jy saggies in my hart kom skuil 

                         Het jy vir my ‘n liefdesstrik gestel 

                              Maar tog sal ek jou vir niks verruil 

                                      Ek is 100% onder jou spel 

                                            Het jy vir my n liefdesstrik gestel 

                                                      En ek het halsoorkop vir dit geval 

                                                                Ek is 100% onder jou spel  

                                                                               Want oor jou is ek mal 

                                                            Maar soos ‘n ware dief 

                                     Was jy my nie lief